نكت خبثااااااء

واحد خبيث إشتغل مدير دار الأيتام..گاللهم راح أسوي أجتماع مجلس الآباء.

حرامي خبيث طب لبيت يبوگ مالگه شي..خابر رقم بأمريكا وخله السماعه مرفوعه للصبح.

واحد خبيث عينوه مدير شرطه غير رقم النجده من 111 الى 3235015409875632541 0

خبيث ببرنامج طلبات الاغاني گال: وأهديها الى صديقي بمناسبة وفاة والدته.

خبيث لگفله رقم موبايل مال جني..گام كل شويه يدزله مسج (بسم الله الرحمن الرحيم).

خبيث شاف واحد يحترگ .. إنتظر شويه وراح طفاه.. گال: حته يعيش مشوه.

خبيث فتح شركة بيبسي كتب عالبطل: رج القنينه جيدا قبل الاستعمال

واحد خبيث أتصل بيه جورج قرداحي ، گال له: معنا صديقك وصل نصف مليون ريال ومحتاج مساعدتك گال : گل له نايم.

واحد أمه خبيثة اخذ دبة الغاز يعبيها گاللها : إدعي لي يمه، گالت : الله يفتحها بوجهك وليدي

خبيث دخل بالشته يبوگ فد بيت ، ما لگه شئ بس لگه عجوز أمگرمه وبردانه ومتلحفه باللحاف.. گام فتح المكيف عله أعلى درجه وطلع

خبيث لگه حراميه يتقاسمون گال انطوني حصه وما ابلغ عنكم هالإسبوع

واحد خبيث يوميه يإخذ المسجل مالته ويروح للمگبره، يفتر بين الگبور إمعلـي صوت المسجل على اغنية (الحياة حلوة

واحد خبيث إسمه رزق الله.... صار عنده ولد سماه گاطع

واحد خبيث ديموت.. بآخر نفس ويوصي ولده بالخباثة... أخير شي راد يتشاهد، گام الزغير سد حلگه

خبيث شاف واحد يصيح: راح أغرگ الحگلي يمعود ... گاله: أخي هذا يومك وهذي إرادة رب العالمين... تعذرني

قاضي خبيث حكم على أحول يلظم أبر خياط مؤبد