جهاز العروس وكيفية التنسيق ملابس العروس من .. الى

كيفكم عرايسنا ان شاء الله تكونوا بخير..

يالله نبداء بالموضوع..

أول شي

المصحف+ سجادة وشرشف الصلاة+ كتيب أذكار + السواك!!!!!

.ونجمعهم كلهم في علبة ..ونغلف العلبة بالجلاد الفاخر لأنه بيستخدم لفترة طويلة بإذن الله ..مثل الصورة التالية ..

(المــــلابس الداخلية)
ملابس مربحه للنوم شفافة وخفيفة
ملابس داخليه للطلعات والدوام
ملابس خاصه بالدورة الشهرية (كلتات بلاستك من الصيدلية) تسويلك حمايه وتحافظ على ملابسك
أطقم سنتيانات للبيت (غير مبطنة)
أطقم سنتيانات سهرة
كلوتات انفرادية ألوان متعددة
(ماركات الملابس الداخليه)
ايتام شانتيل وأفضل للعرايس منها الأطقم الفخمة التل او الدانتيل المشغول والألوان الأسود والعودي والباذنجاني
لاسنزا نعومي البي اتش لاسنزا للمقاسات الصغيره وشانتيل للمقاسات الكبيره
وفيه أشياء حلوه مو ماركه لكن خامتها ممتازه
وافضل ستيانه تشد الصدر الكبير هي
PUSH UP
موجوده عند كل الماركات..... أنتي بس قولي لهم ذا الكلمة
بس حتى البوش اب في اكثر من نوع
ملابس النوم
ملابس النوم:
طقمين ارواب.
قمصان طويلة بدون ارواب .
قمصان قصيرة.
بجايم حريري.
بجايم قطنيه.
متوفره عند
نعومي
ونجي لكيفية تنسيق الملابس الداخلية ..
طبعا بيكون عندنا نوعين ..
النوع الفخم والأطقم ...والنوع العادي اليومي والأقطان للأيام الدورة ..
النوع الفخم حطيه بأكياس أورجنزااا ...أو أكياس خاصة يبيعونها في محلات الملابس الداخلية ..
وشوفي معااااااااااااي ..

واشتري للنوع العادي من الملابس الداخلية هذي العلب ..
وشوفي الأفكاااااااار

وألحين جا دور قمصان النوم ..

طبعا حلو تغليفهااا للإبتعاد عن أعين الفضوليييين ..
ممكن نغلفها بكراتينها وومكن بأكياس أورجنزا وممكن بأكياس خاصة نخيطها ..

(ملابــــــــــس البيـــــت)

أقمصة قطنية طويلة.

أقمصة قطنية قصيرة.
أطقم شورتات قطنية+جينز.
تنوره قصيره.
تي شيرت.
بناطيل.
فساتين قصيره.
بودي.

(ملابـــــــــــــس خـــــروج)

يفضل شراء الملابس الجاهزه ولاتكثرين من الخياط لأنو حظوظ
ولاتكثرين من فساتين السهره الثقيله خلي واحد للصباحيه والثاني احتياط
والباقي فساتين زيارات وتيورات
واللون البرتقالي والفوشي حلو مع الذهب يحلي العروس باالأضافه للفضي اذا كان معاه كريستالات فضيه
والعنابي
والوردي
والكحلي
والسماوي
اذا كان داخل عليها الذهبي
باالنسبه للموديلات لاتروحين للمصمم لأنو بياخذ على الرسم مع ان الرسم عادي ويقدر اي احد يرسمه
عندك اقرب بقاله خذي مجموعه من المجلات المعروفه(سيدتي- الجميله-كل الاسره-زهره الخليج-اسرتي-لها)
تلاقين فيها عروض أزياء تناسبك وقمه في الأناقه والذوق وبرضه جديده وتوفر عليك اختيار لون ونوع القماش احلى من مجلات الأزياء الخاصه لمسات وغيرها نقي لك منهامديل فستانين واحد للصباحيه وواحد احتياط وخيطيهم عند اي خياط تثقين فيه
اما ملابس الزيارات راح تلاقين في السوق تيورات كشخه ومناسبه لمقاسك وجاهزه من غير ماتعذبين نفسك في الخياط ومشاكله
برضه راح تحتاجين
جلابيات للأستقبال أو اذا كنتي ساكنه مع اهل زوجك
باالأضافه للتنانيرالجينز والأسود اللي تناسب كل تي شيرت ولاتنسين مديل اللف منها كلها أنوثه ممكن تفصلين لك كم وحده تلبسينها لما تخرجين مع زوجك نزهه أو مطعم
وبناطلين حلوه لشهر العسل

ونجي لتنسيقها..

نروح للمحلات اللي فيها أدوات التخزين والعلاقات والعلب الخاصة بالكبتات ..
ونشتري طقم كامل من الأدوات ..مثل ..

وبندأ نعلق الملابس بأنواعها وغالبا بتكون الجلابيات والمخاوير والفساتين ..
وطبعاا حلو لو نستخدم مثل هذي العلاقات ..

ممكن نعلقها وومكن نطبقهااااوغلفها بأكياس شفافة علشان نحتفظ بترتيبها وريحتها المعطرة ..

وهذي بأكياس الأورجنزا

(العبايات)

فصلي لك عبايتين وحده أساسيه والثانيه احتياط ..

وهذه افكار للترتيبها..

..نشتري كم كيس أسود متوسط الحجم تراه متوفر في محلاتالخياطة ..وممكن نزينها بالورود والكلف او أي شيء تحبينه ..
ونحفظ فيها العبايات ..ونحطها كلها في صندوق ونزين الصندوق إذا حبيتوا ..

طبعا الاكياس الصغيره تأخذي منها فكره او حركه لكيس العبايه..

(الـــذهب )

لاتكثرين لأنو راح يجيك هدايا سواء من اهلك أو من اهل زوجك
خذي لك طقم ذهب ابيض متوسط
ساعه حلوه
واساور مع الساعه
و اطقم ناعمه
خواتم
وفيه تعليقات الماس قمه في النعومه واللمعان عند الثميري في الرياض (اذا تحبين الالماس)

وألحين أفكار وعلب لحفظ المجوهرات ..

(الشنـــاط)

الموضه في الشنط المشكوكه

مثل هيك..

راح تلاقين أشكال حلووه باالمره وخذي لك ثنتين عمليات
لما تطلعين مع العريس.

مثل هي..

[size=16]وهذه ماركات شنط حلوه

(فندي و جوتشي و كريستيان ديور و لويس فيتون و جيفنشي و الكارتير و الشانيل بولغري تورنتو)

( واستغلي وقت التخفيضات)

(اغراض الحمام)

طقم روب

مثل هيك..

عدد من المناشف..

مناديل لف لتجفيف المنطقه الحساااسه أو مناشف (فوط) صغيره خاصه لتجفيف المنطقه الحسااسه..

ويمكن تنسيق المناشف بها الشكل..

وشوفوا الحركات هذي ..مناشف على شكل كيكات ..مع طقم الإستحماام

وطبعاااا ممكن نشتري حامل الفوط الجاهز ..

وشوفوا كيف شكل الفوط مرتبة ...

تابع أغراض مهمه..

فرشه والمعجون

مطهرات الفم مثل..

1- سبراي معطر للفم تلاقينه من عده ماركات بالسوبر ماركت

2- أورال ستربس عبارة عن شرائح شفافة بنكهة النعناع تذوب على اللسان تاركة الفم برائحة ممتازة وتقتل البكتيريا ماركة ***t yet

المضمضة بغسول للفم بنكهة النعناع إذا أمكن بعد تفريش الأسنان (يوجد بالصيدليات والسوبر ماركت بقسم الفرش والمعاجين توجد عدة ماركات)

4- ملعقة اللسان(tongue spoon scraper) تستخدم لإزالة البكتيريا من اللسان وبالتالي الرائحة الكريهة من الفم

سكراب اللسان موجود بالسوبر ماركت والصيدليات بقسم المعالجين والفرش ومكتوب عليهtongue scraper او tongue spoon
وتختلف أشكاله وممتاز لكشط بقايا الطعام العالقة باللسان والي تسبب ريحة للفم حتى لو كانت الأسنان مفرشه بعد فترة بتطلع ريحه غير محببة في الفم وهي سببها بقايا الطعام اللي علقت باللسان وتخمرت وطلعت ريحة مش محببة.. صدقيني بتلاحظين الفرق وما راح تستغنين عنه أبدا
وطريقتة بعد ماتفرشين اسنان وتتمضمضين بغسول الفم تكشطين اللسان فيه
مثلا هذي الصور هي اشكالة المتواجدة بالسوق

6- مستكة طبيعية منعشة للفم وتنظف الأسنان وتساعد على الهضم أيضا من باطوق

9-أعواد لتنظيف الأذن..

مرطب شفايف بنكهات (هذا من بودي شوب)

مزيل عرق

غسول للمنطقة الحساسة.

فوط صحية للدورة

وفوط صحية للاستعمال اليومي.

شامبوهاتك وصوابينك المفضله +بلسم
كريم حمام زيت + فازلين + كريم للشعر

رغوة استحمام + ليفه. رغوة منظفة للوجه. لوشن للجسم.

صابون سائل في الصيدليات بثلاث نكهات يعتبر غسول للمنطقه جدا ممتاز وصناعه فلبينيه فيه باالتفاح والفراوله والنعناع

بودره المسك (للمنطقه الحساسه) تلاقينها عند العطار

صابون

هذي ورقة صابوون (توضع في حقيبة اليد عند الخرووج) مهمه..

تابع أغراض مهمه..

قطن..

حلاوه لأزاله شعر الجسم واحلى حلاوه مجبره هي :شهرزاد لونها موف وغطاها أبيض

أو آلة ازلة الشعر ..

مثل براون..

[size=16][size=21]((فية شيء مهم لازم ماتخلو شنطة العروس منه خصوصا بشهر العسل)

معطر جليد الخاص بلحمام (منعا لللإحراج بعد إستخدام الحمام

((((((واذا انتي جريئه جربي ))))))
شموع +ولاعه :تعلمينه انك رومانسيه بعد ماتطلعين مستحمه خلفي ورى خروجك من الحمام شموع مولعه
فواحه بحجم الكف تلاقينها عند زهور الريف وعندهم انواع متعدده من الزيوت العطريه اللي تستعمل مع الفواحه اختاري اللي يناسب ذوقك راح تعطي الحمام ريحه حلوه
ولاتخلينها فتره طويله مولعه علشان مايسير الحمام مخنوق ربع ساعه تكفي

مناديل جاهزة تستخدم في الأماكن العامه لضمان النظافة الحمام عند الإستخدام...

كيفية تنسيقها..

نضعها في شنطه خاصه للحمام الله يكرمكم..

يعني تحطين فيها اغراضك اللي بتستخدمينها اذا جيتي تدخلين الحمام الله يكرمك..

مثل الفرشه والمعجون والقلوس وكحل والمعطر والفوطه الصحيه اذا كان فيك الدوره وفوطه لتجفيف المنطقه الحسااسه (أو لفة مناديل) ومزيل العرق الشامبو عطورات الجسم البودره..

كل شي بستتخدمينه في الحمام وانتي داخله جهزي اغراضك في هالشنطه قبل ما تدخلين..

وهذي احسن شي اللي تكون من الخسف علشان ما تتغرق وتخرب..

للأدوات الإستحمااااااام لو ما تبغين تحطينها في سلة او صندوق مثل ما شبق ..
شوفي الأفكاااااااار هذي ..
هذا ملح الجسم ..ممكن بشوية شرايط تزينه وممكت تكتبين على البطاقات كلمات حلوة ..
مثلا حمام الهنا ..

حركات لتغليف الصابون ..
طبعا حاولي تكون مغلفة بكيس شفاف أو نايلون الي نغطي الأكل ..علشان الريحة ما تروح ..

كرات الصابون..

نوزع أكياس الورود المجففة في كل مكااااااااان
يعني في ادراج الملابس الداخلية ..وأدراج التسريحة والحمااااااااام أعزكم الله ..وخذوا الأنواع اللي تتعلق وعلقوها في علاقات الملابس ما ..وشوفوا هالأفكار من الأكياس ..

[/size]

(الجـــــــــــــــزم)

شباشب أنيقه للبيت
جزم مع فساتينك مشكوكه وناعمه
شباشب مشغوله
وجزمتين للطلعه مع زوجك يعني عمليه
وشباشب للحمام

ألحين أفكااااااااااار لتنسيق الأحذية كرمكم الله ..

شوفوا معااااااااااي الأفكااااااااااااااااااااار...

لو تحصلون مثل هذي العلب ..يكون عز الطلب ..

أو ممكن نغلف علب الأحذية بدون الحاجة لشراء علب خاصة

[/size][/size]

موضوع: _da3m_14 السبت مارس 01, 2014 7:35 am

موضوع رائع بوركت
جهاز العروس وكيفية التنسيق ملابس العروس من .. الى 4

جهاز العروس وكيفية التنسيق ملابس العروس من .. الى 128711691410

» ملابس سبورت للشباب 2013 اجدد ملابس سبورت للرجال 2014 صور ملابس سبورت شبابيه
» اروع ملابس للبنوتات 2014 ، ملابس كيوت للصغار لعيد الفطر 2014
» تشكيلة ملابس الاطفال 2014 ، ملابس اطفال جديدة لعيد الفطر 2014
» ملابس بنات مودرن 2014 ، ملابس اطفال جميله لعيد الفطر 2014
» ملابس بنات مودرن 2014 ، ملابس اطفال جميله لعيد الفطر 2014