تعالوا شوفوا تجربتى مع الكيراتين الطبيعى من غير ما حد يخمك ولا يضحك عليكى وسعره تحفه متوافر للجميع

أولا السلام عليكم ورحمه الله وبركاته
أنا حبيت احكيلكم على قصتى أو رحلتى مع الكيراتين علشان ماحدش يقدر يخم اى ست مصريه مدقدقه
أنا زى اى حد سمعت عن اختراع أسمه الكيراتين ومفعوله الساحر الجبار على
الشعر وازاى يخليكى واحده تانيه خالص أنتى نفسك مش هاتصدقى ألا لما تجربى
بس على شرط تكونى ضامنه ماده الكيراتين وشايفاها بعينك ومن بلدها والعمايل
والكوافير اللى عنده ضمير وبفلوس معقوله مش مبالغ فيه بالارقام الموجوده
الغريبه
بدايه كفاحى تبدا من انى بعد ماسمعت عنه قررت اعمله عند كوافير مشهور جدا
ودفعت مبلغ محترم جدا والنتيجه كانت رائعه جدا مع العلم انى طبيعه شعرى
مموج وهايش ومقصف بس فتلته ناعم وبيقع جامد خصوصا بعد الزواج والحمل
والرضاعه وطبعا ربنا مايوريكم الاحساس بكم الكآبه والتعاسه فى هذه الفترة
المهم اسفه انى طولت عليكم وكانت الكارثة المفزعه بعد العمايل بشهر لقيت
شعرى بيقع بطوله مع كل غسله وفى اى وقت والشعر الجديدطالع خشن ومموج اكثر
من الاول مع العلم انى دفعت مبلغ محترم تانى علشان الشامبو والبلسم بعد
الكيراتين للحفاظ عليه وهذه للاسف النتيجه وقررت وعزمت انى لايمكن اعمل
كيراتين تانى وانه وهم لحد ما صاحبتى أتعرفت على واحده بتجيب كيراتين أصلى
من بلده البرازيل وطبيعى 100% ومافهوش فورمالين ولاكيماويات خاااالص وأمن
على الحوامل والاطفال والرضاعه وقالتلى انها عملته وكان رائع عكس نتيجتى
خااااالص وسعره بجد تحفه ومتوفر فى ايد كل واحده وفعلا انا شوفته بعينى
ولمسته كمان وساعتها قلت اجرب تانى ودى أخر تجربه طالما اصلى ومن بلده ومش
مغشوش زى اللى عند كل الكوافيرات حاليا وبجد مش عارفه اوصوفلكم نتيجه
العمايل حلوة قوى قد ايه وبقيت بجد موزة حلوة بعد ماكنت حزينه على الايام
والفلوس اللى فاتت وانا بعيط على شعرى بجد الكيراتين ده نعمه حلوة قوى بس
من غير ما نضيف عليه مواد فرد ولا كيماويات ودى تجربتى يا ستات حبيت انصحكم
بيها لوجهه الله