محمد بيه خالد
الاداره
 ^~^ أوسمتى ^~^ :
المهنه : 
هوايه : 
 
 
عدد المساهمات : 1712
نقاط : 2219
السٌّمعَة : 5
تاريخ الميلاد : 19/01/1996
تاريخ التسجيل : 02/02/2012
العمر : 28
 |  موضوع: الكفتة المصرية 2014 , طريقة عمل كفتة الحاتي 2014  الإثنين أغسطس 26, 2013 9:22 am | |
|
الى عشاق اكلات الكفته طبعا ان الكفته من الانواع المفضله والمحبوبه لدى الكبار والصغار فالنهارده جيبالكم السر وراء كفته الحاتى اللى عرفته بعد مجهود جامد قوى قوى قوى واليكم اجمل واسهل واطعم كفته يارب تنال عجابكم
المكونات
- كيلو لحمه تكون مفرومه فرم خشن مش ناعم
- دهن بتلو (من عند الجزار أسمه نطر)
-ملح و فلفل و بشر بصله متوسطه مصفاه تماما من المياه لإننا هانحتاج الميه عند الشوى يعنى احتفظى بيها
-معلقتين برغل ينقعوا فى ماء لمده ساعه ثم يصفوا من الماء تمام و يتم فرمهم مع اللحم والبصل(موضوع البرغل انا ضيفته من عندى لأن الحاتى مش بيحط برغل لكن السبب فى انى ضيفت البرغل أن طريقه تصبيع الكفته و شويها بدون ماتقع عايزه حرفيه عاليه قوى علشان)
كده ضيفت البرغل إختيارى للناس اللى ماعندهاش خبره الشوى علشان أضمن أنها ماتقعش منهم على الفحم
الطريقه
يقسم الكيلو على حسب عدد الأسياخ على هيئة كرات و يوضع فى الثلاجه لمده 3 ساعات و ضعى فى طبق او صينيه مياه البصل و عليها معلقه بيكربونات صوديوم (بيكينج باودر)طبعا فى ماده تانيه بتستخدم لكن صعب تلاقيها عند أى عطار عموما هاقول عليها اللى يقدر يجيبها يحطها بدل البيكربونات اسمها (عطرون) و هى على شكل الملح الخشن و يتم تذويبها فى ماء و تصفيتها من الشوائب و طبعا يفضل إذابتها فى ماء البصل وبعد ذلك طلعى الكفته من التلاجه قبل الشوى على طول و تمسكى قطعه الكفته على ايدك و تحطى السيخ عليها من المنتصف و تضغطى اللحمه عليها و تبدى تفرديها على السيخ بالضغط المتواصل لفوق و تحت لحد ماتتفرد على السيخ بالسمك المناسب ماتبقاش تخينه قوى و لا رفيعه و الأهم بعد ماتفرديها بللى ايدك بميه البصل اللى عليها كربونات او عطرون واضغطى على مسافات متباعده بصوابعك علشان تعملى فروق فى السيخ ماتبقاش الكتله كلها حته واحده ده بيقلل من وزن الكفته على السيخ و ماتقعش (ملحوظه:فايده البيكربونات أو العطرون انه بيخلى اللحمه تتماسك بسرعه اول ماتشم النار ) وبعد ماتشيلى السيخ اللى استوى ضعيه فى صينيه مفروشه بالعيش وبقدونس متقطع وغطيها و حطيها فى فرن البوتجاز و اقفلى عليه حتى لا تبرد الكفته الى ان تخلصى المقدار كله
أحلى كفته ممكن تاكليها فى البيت
بل أفضل فى الطعم و طبعا ده على حسب نوع اللحم طبعا فى حاجه تانيه بتتحط على الكفته اللى بتخلى الناس ماتقبلش طعم اى كفته غير من المحلات الماده دى هى محسن طعم أسمها مونوصوديوم أو ملح صينى تشبه السكر فى شكلها و موجوده فى الهايبرات الكبيره زى كارفور مثلا الكيلو ب 20 جنيه و طبعا ده يفضل عندك سنه و اكتر لأنك بتحطى معلقتين صغيرتين بس على الكيلو منه | |
|
ملك روحى
عضو ملكى
^~^ أوسمتى ^~^ :
المهنه : 
هوايه : 
عدد المساهمات : 2814
نقاط : -2
السٌّمعَة : 5
تاريخ التسجيل : 08/11/2013
| |
مواضيع لم
تغذية rss
أفضل 20عضو
أفضل اعضاء اليوم
جديد المواضيع
مشـــــاركاتي
قوانين المنتدى
التسجيل